Амангелді ауылының жалпы орта білім беретін мектебі

            Наурыздың 14 - і күні Амангелді ауылының жалпы орта білім беретін мектебіне Қорғалжын аудандық ІІБ-нің ЖПҚБ КТІЖ аға инспекторы полиция капитаны Сайлау Ә.А., Қорғалжын аудандық білім бөлімінің бас маманы  Ашимова А.Т., Қорғалжын ауданы әкімі аппаратының мемлекеттік – құқық жұмысы бөлімінің бас маманы Мухаметова О.С., қызметкерлерімен кәмелетке толмаған жасөспірімдердің құқықты қорғау туралы, балалар жол-көлік жарақатын алдын алу мақсатында, жасөспірімдер мен балалардың көшелер мен жолдарда қауіпсіз жүріс-тұрысына байланысты дағдыларын нығайту, тұрақты тұратын және оқу орнында көлік ортасына бейімделуі мақсатында   5-11 сынып оқушыларымен кездесу өткізді. Кездесу барысында «Құқық бұзушылықтын алдын алу» тақырыбында баяндама оқылды және жасөспірімдердің құқығын қорғау туралы әңгіме өткізілді. Сонымен қатар оқушыларға құқық бұзушылық неден басталатындығы жайлы айтыла отырып, одан сақтанудың жолдары туралы да ой тасталды. Оқушылар кездесу барысында көкейлерінде жүрген сауалдарына жауап алды.  Оқушылар тарапынан қойылған сауалдардың көбі ішкі  тәртіп, жүргізушілік жайлы болды.   Кездесуге қатысқан  оқушылар тарапынан ұйымдастырушыларға көп алғыс айтыла отырып, өте керемет , мазмұнды кеш болғандығы айтты.